Or il fut si hay du peuple qu'il souffrit toutes les contumelies indignes d'vn faquin, and en fin fut tué. Celle qu'on dict Onymantie3 se faict en frottant l'ongle ou le cristal de certaines confections, and en disant quelques paroles que ie ne sçay point, puis on faisoit voir à vn ieun enfant, qui n'estoit corrompu, ce qu'on demandoit. Fernel au liure'premier, chap. 2. de Abditis, dit auoir veu vn Sorcier qui faisoit voir tout ce qu'on vouloit, en vn mirouer. I'ay veu vn Medecin à Paris qui ne s'en cachoit point: and vsoit d'inuocatiõs des mots barbares, and de dæmons: Car le Diable fait à croire qu'il aime la virginité, à fin qu'il puisse par ce moyen attirer les hommes à soy dés leur te (02) dre ieunesse, en partie aussi pour empescher la procreation du genre humain: and neantmoins il incite les personnes qu'il a gaignees à paillardises contre nature, and Sodomies detestables. Quãt à la Catoptromãtie, de laquelle faict mention Pausanias in Achaicis, elle estoit autre que celle de laquelle vsent les Sorcieres. Car si quelcun vouloit sçauoir s'il rechapperoit de sa maladi e, il mettoit vn mirouer en la fontaine de Patras, deuant le temple de Ceres, and s'il voyoit la figure d'vn mort, on iugeoit, qu'il mourroit, and s'il voyoit vn homme plein de vie, il en rechappoit. Mais il faict bien à noter, comme le Diable pipe le genre humain en telles sorceleries: car d'autant qu'il y-a des gens de bien, and conscientieux, qui ne voudroient pour mourir inuoquer le Diable, il leur fait croire, que c'est la vertudes paroles, ou des characteres, ou des animaux, -notes- 3[Greek omitted] Page 180
