garda son corps sans l'offenser, ny son asne, iusqu'à ce qu'on l'eust enleué pour l'enterrer. En quoy il appert bien euidemment que Dieu ne damna pas l'ame du Prophete pour telle desobeissance, veu mesmes qu'il ne permit pas que son corps mort fust deuoré du Lyon. Et par ainsi laissant la damnation au iugement de Dieu, il se peut faire que Dieu face aussi bien sçauoir sa volonté par les sorciers and meschans, que par ses esleuz: comme on void par les songes de Nabuchodonosor, de Pharaon, and de Balehan: ce que tie (02) nent les Theologiens sur le passage de l'Euangile, où il est dict, Expedit vnum hominem moripro populo, qu'ils prennent pour vne Prophetie en la bouche de Cayphe. Aussi peut on dire que Dieu permist que Samuel vint pour prophetizer apres sa mort la ruine de Saul, and de son estat. I'ay appris du Sieur de Noailles Abbé de l'Isle, and maintenant Ambassadeur à Constantinople, and d'vn Gentilhomme Polognois nõmé Pruinski, qui a esté Ambassadeur en France, que l'vn des grands Roys de la Chrestienté voulant sçauoir l'issue de son estat, fist venir vn Iacobin Necromantien, lequel dist la Messe, and apres auoir consacré l'hostie fist trancher la teste à vn ieune enfant de dix ans piemier né, qui estoit preparé pour cest effect, and fist mettre sa teste sur l'hostie, puis disant certaines paroles, and vsant de characteres, qu'il n'est besoin de sçauoir, demanda ce qu'il vouloit: La teste ne respondit que ces deux mots, Vim patior. Et aussi tost le Roy entra en furie, criant sans fin ostez moy ceste teste, and mourut ainsi enragé. ceste histoire est tenue pour certaine, and indubitable Page 206
