à Dieu auec vne vraye penitence, elles sont battues, and tourmentees la nuict, and ne cherchent que de mourir, comme lacques Spranger Inquisiteur de la Foy à Cou longne à laissé par escrit, ayant faict executer grand nombre de Sorcieres. Et de ma part ie cognois vn personnage (ie ne le nommeray point, par ce qu'il est encores en vie) le quel me descouurit qu'il estoit fort en peine d'vn Esprit qui le suyuoit, and se presentoit à luy en plusieurs formes: and la nuict le tiroit par le nez, and l'esueilloit, and souuent le battoit, and quoy qu'il le priast de le laisser reposer, il n'en vouloit rien faire, and le tourmentoit sans cesse, luy disant, Commande moy quelque chose: and qu'il estoit venu à Paris pensant qu'il le peust abandonner, ou qu'il peust trouuer remede à son mal, soubs ombre d'vn procez qu'il estoit venu solliciter. I'apperçeu bien qu'il n'osoit pas me decouurir tout. Ie luy demanday, quel proffit il auoit eu de s'assujettir à vn tel maistre: il me dist qu'il pensoit paruenir aux biens, and honneurs, and sçauoir les choses occultes, mais que l'esprit l'auoit tousiours abusé, and pour vne verité qu'il disoit trois mensonges: and que l'esprit ne l'auoit iamais sceu enrichir d'vn double, ny faire iouïr de celle qu'il aymoit, qui estoit la principalle occasion, qui l'auoit induict à l'inuoquer. Et qu'il ne luy auoit appris les vertus des plantes, ny des animaux, ny des pierres, ny autres sciences secrettes, comme il esperoit, and qu'il ne luy parloit que de se venger de ses ennemis, ou faire quelque tour de finesse and meschanceté. Ie luy dis qu'il estoit facile de se deffaire d'vn tel maistre, and si tost qu'il viendroit, quil appellast le nom Book 2 - Chapter 4 Page 221
