pas long temps, c'est à dire l'an M.D. LXXI. entre ceux qui furent deferez Sorciers par l'aueugle, qui fut pendu à Paris, il y eut vn Aduocat, que ie ne nommeray point, lequel confessa qu'il auoit passé obligation au Diable renonçeant à Dieu, and icelle signee de son propre sang. Toutesfois ceux qui veulent adoucir le faict disent qu'il n'y auoit que vne procuration passee à l'aueugle pour consacrer le libure des Esprits pour cõtraindre les Demons and trouuer les Tresors. Encores s'est il verifié par plusieurs procez, que l'obligation reciproque entre le Diable, and le Sorcier, contient quelquesfois le terme d'vn an, deux ans, ou autre temps: Et tel y à qui demande la puissance de guerir du mal des dens, and l'autre de la fiebure quarte, ou d'autre maladie à la charge de tuer, ou faire mourir les autres, ou de faire autres sacrifices abhominables. Si le Diable se defie de ceux qui se donnent à luy iamais, pour paruenir à quelque chose qu'ils ne quittent son seruice, il ne se contente pas de les faire renoncer expressement à Dieu: ains il veut aussi les marquer, comme à noté Daneau en son Dialogue des Sorciers: mais ceux qui s'adonnent à luy de bon cueur, and qu'il cognoist fermes en leurs promesses, il ne les marque poinct, comme dit le mesme autheur. Par les procez faits par les inquisiteurs au terroir de Constance, and autres licux circonuoisins qui sont redigez in Malleo, and de l'inquisiteur Cumanus, au pays Millannois, il se trouue qu'il y a deux abiurations and professions: l'vne publique l'autre particuliere. Ils appellent publique qui se faict en l'assemblee des Sorciers: and la particuliere qui Page 224
se fait és lieux particuliers, quand on
