apres les Diables. Olaus le Grand au liure III. chap. XI. dict que vers les peuples de Septentrion on voit en plusieurs lieux ces danses de Diables, and d'elues ou Sor cieres. Et Pomponius Mela au liure III. dict que cela est ordinaire au mont Atlas, and Solin au 38. liure chap. 44. and Pline au premier liure chap.5. and Pausanias in Achaicis, dict le semblable du mont Parnasse ou l'on oyoit aux festes des Bachanales toute la montaigne retentir de danses, Cymbales, Satyres, Dryades, Hamadryades, Oreades. l'ay leu quasi chose semblable en Paul Grilland Iurisconsulte ltalien, qui a faict le procez à plusieurs Sorciers, lequel escrit que l'an M. D. XXVI. aupres de Rome il y eut vn païsant lequel ayant veu sa femme se gresser la nuict toute nuë, and puis ne la trouuant plus en sa maison, le iour suiuant il prend vn baston, and ne cessa de frapper iusques à ce qu'elle eut confessé la verité: ce qu'elle fist, requerant pardon. Le mary luy pardonna, à la charge qu'elle le meneroit en l'assemblee qu'elle disoit. Le iour suyuant la femme le fist oindre de la gresse qu'elle auoit, and se trouuerent tout deux allant à l'assernblee sur chacun vn bouc bien legerement. Mais la femme aduertit l'homme se garder bien de nommer Dieu, si ce n'estoit par mocquerie, ou en le blasphemant. Car ils demeurent tous d'accord, que le Diable soudain laisse celuy qu'il porte par les chemins, qui monstre bien que la gresse ny faict rien, and que le Diable les transporte plus soudain que vn traict d'arc, and comme dict sainct Augustin, Dæmones auium volatus incredibili celeritate vincunt. Et encores plus les Anges, celestes ausquels pour Page 231
ceste cause la Saincte Escriture,
