presentee au diable pour l'instruire: mais entre autres villenies, elle confessa, qu'elles danserent autour du Bouc, and en fin que chacun rendoit compte de ce qu'il auoit faict depuis la derniere assemblee, and en quoy il auoit employé la poudre. L'vn disoit auoir tué vn enfant, l'autre vn cheual, l'autre auoir fait mourir vn arbre. Et par ce qu'il s'en trouua vne qui n'auoit rien faict depuis la derniere assemblee, elle cur plusieurs coups de bastons sous la plante des pieds, auecques vne mocquerie and risee de tous les autres. Et disoit qu'il faut auoir souuent des nouuelles poudres. Ce qui est conforme à ce que i'ay leu en vn autre procés d'vne Sorciere qui confessa, qu'elle n'auoit point de repos, si elle ne faisoit tous les iours quelque mal, quand elle n'eust cassé qu'vn vaisseau: mais vn iour sa maistresse l'ayant trouuee cassant vn vaisseau de terre de propos deliberé, elle confessa la verité, and qu'on la fist mourir, par ce qu'elle disoit qu'elle n'auoit point de patience, si elle ne faisoit mourir quelqu'vn, ou qu'elle ne fist quelque mal. Qui monstre bien que ce n'est pas la pouldre, mais Sathan, qui ne procure and ne cherche que la ruine du genre humain, and qui veut souuent estre seruy and adoré. Car la pouldre bien souuent se trouue vn ou deux pieds sous terre: Et me souuient que Fournier homme docte, and Conseillier d'Orleans, me disoit que le bruict commun, and notoire estoit qu'il se faisoit des assemblees de Sorciers pres de Clery, ou les Diables r'apportoient tout ce qui auoit esté faict en diuers pays par ce qu'ils minutent toutes Page 244
les actions des hommes.
