comme i'ay dict de celuy qui apparut à Catherine Daree, à Dion amy de Platon, à Cassius Parmensis, au Philosophe Athenodore, à Magdaleine de la Croix, à Ieanne de Haruillier: laquelle confessa que à l'aage de douze ans, la mere luy monstra le Diable en forme d'vn grand homme fort noir, and vestu tout de noir, and tousiours boté, and esperonné parlant à elle, and se trouuant soudain auec elle quand elle vouloit: and que celà luy continua toute sa vie. Mais la chose la plus difficile à croire, qui est plus admirable, est le changement de la figure humaine en beste, and encores plus de corps en corps. Toutesfois les procez faicts aux Sorciers and les histoires Diuines and humaines, and de tous les peuples font la preuue certaine. Nous lisons au liure des cinq Inquisiteurs des Sorciers, duquel i'ay faict mention assez souuent, que vn Sorcier nommé Stasus au territoire de Berne, ayant plusieurs ennemis, souuent au milieu d'eux, eschappoit soudain en guyse de beste, and ne peut estre tué sinon en dormant. Il laissa deux disciples les plus grands Sorciers d'Allemaigne Hoppo, and Stadlin, qui faisoient venir, comme il escrit, les tempestes, foudres and orages violens: Et sans aller gueres loing de ce Royaume, nous auons vn procez fait au Parlement de Dole, and l'arrest donné le XVIII. Ianuier M. D. LXXIIII. contre Gille Garnier Lyonnois, qu'il n'est besoin de mettre icy au long, puis qu'il est imprimé à Orleans par Eloy Gibier, and à Paris chez Pierre des Hayes, and à Sens: Mais ie mettray les poincts principaux dont il à esté accusé and conuaincu. C'est à sçauoir que ledict Page 263
