Neruios collocare videtur, apud quos dicit homìnes conuerti in lupos, quod est adhuc visitatißimum in Liuonia: C'est à dire, c'est le pays ou Herodote dict que les hommes sont changez en loups, chose qui est encores à present toute notoire, and freque (02) te. Or la posterité a aueré plusieurs choses escrites par Herodote, qui sembloyent incroyables aux anciens. Car il dit aussi qu'il se trouua des Sorciers, qui par certaines incisions appaiserent la tempeste, qui ia auoit enfondré plus de quatre ce (02) s nauires de Xerxes. Or nous lisons en Olaus le grand au liure 3.cha. 18. que les Sorciers de Lappie vendent les vens aggreables, ou tempestueux, en desnouant certaines cordes, and que cela est tout notoire aux mariniers, pour l'experience ordinaire qu'ils en font. Nous lisons aussi en l'histoire de Iean Tritesme, que l'an neufcens septante, il y auoit vn Iuifnommé Baian fils de Simeõ, qui se transformoit en loup, quand il vouloit, and se re (02) doit inuisible quand il vouloit. Or c'est chose bien estrange: Mais ie trouue encores plus estrange, que plusieurs ne le peuuent croire veu que tous les peuples de la terre, and toute l'antiquité en demeure d'accord, Car non seulement Herodote l'a escrit il y a deux mil deux cens, and quatre cens ans auparauãt Homere: ains aussi Platon en sa Republique, parlant du sacrifice qu'õ faisoit à Iuppiter Lyceus d'vn homme, and que celuy qui goustoit du sacrifice estoit mué en loup. Pomponius Mela, Solin, Strabo, Dionysius, Afer, Marc Varon, Virgille, Ouide, and infinis autres. Et à ce propos dict Virgille, Page 269
