siderent pas que toute puissance vient de Dieu, soit qu'il la distribue aux Anges ou aux Diables, ou aux hommes, ou aux choses insensibles: comme il est cõmãdé à la terre de produire les bestes quadrupedes, and les plantes: and à la mer il est commandé de produire les oyseaux and poissons: and n'est pas dict que Dieu les a faict, mais bien qu'il a faict les cieux, and lumieres celestes, and la terre: and qu'il a faict aussi l'homme. Et neantmoins il est dict, que Dieu a tout faict and creé: ce qui se doibt entendre par moyens ou sans moyens. Et neantmoins il se peut bien faire aussi quelquesfois, que le Sorcier par illusion diabolique, face que l'homme semble autre, quil n'est: comme on peult veoir en l'histoire de sainct Clement, que Symon le Magicien, fist tellement que tous les amis de Faustinian le descongneurent: puis il dict à Neron l'Empereur, qu'il luy fist trancher la teste, l'asseurant qu'il resusciteroit le troisiesme iour: ce que fist Neron, comme il luy sembloit: Et trois iours apres il retourna, dequoy Neron estonné luy donna vne statuë en Romme, auec telle inscription, Symoni Mago Deo. Et depuis Neron se donna entierement aux Sorcelleries. Or Symon le Magicien auoit tellement faciné les yeux de Neron, and de toute l'assemblee, qu'ils decolerent vn mouton au lieu de Symon. Apulee recite le semblable de trois hommes qu'il pensoit auoir tuez, qui estoient trois peaux do Bouc, estant fasciné par la Sorciere Pamphile: mais telle fascination ne dure que vn moment. Et quand au changement de la figure humaine en beste, Page 277
