and la generation aussi, suyuãt la glose ordinaire, and l'aduis de Thomas d'Aquin sur le Genese chap. VI. qui dit que ceux qui en prouiennent sont d'autre nature, que ceux qui sont procrees naturellement. François Pic Prince de la Mirande tient cela pour indubitable liu.4. c. 4. de Prænot. Nous lisons aussi au li.I.ch.27.des histoires des Indes Occidentales, que les peuples tenoyent pour certain, que leur Dieu Concoto couchoit auec les femmes: Car les Dieux de ce pays là n'estoyent autres que diables. Aussi les Docteurs ne s'accordent pas en cecy: entre lesquels les vns tiennent que les Demons Hyphialtes, ou Succubes reçoiuent la semence des hommes, and s'en seruent enuers les femmes en Demons Ephialtes, ou Incubes, comme dict Thomas d'Aquin, chose qui semble incroyable: mais quoy qu'il en soit, Sprenger escrit que les Allemans qui ont plus d'experience des Sorciers, pour y en auoir eu de toute ancienneté, and en plus grand nombre qu'és autres pays, tiennent que de telle copulation il en vient quelquesfois des enfans, qu'ils appellent Wechselkind, ou enfans changez, qui sont beaucoup plus pesans que les autres, and sont tousiours maigres: and tariroient trois nourrices sans engresser. Les autres sont diables en guise d'enfans, qui ont copulation auec les nourrices Sorcieres, and souuent on ne sçait qu'ils deuiennent. Mais quant à telle copulation auec les Demons sainct Hierosme, sainct Augustin, sainct Chrysostome, and Gregoire Nazienzene, soustiennent contre Lactance, and Ioseph, qu'il n'en prouient rien, and s'il en vient quelque chose, ce Page 286
seroit plustost
