qui n'as poinct de Sorciers, ny d'en chanteurs, mais à qui Dieu reuele les choses secretes par visions quand il est besoin, and sans y faillir. D'auantage il est dict, qu'on peut boucler aisement par le nez ceste beste, pour monstrer qu'il ne faut pas craindre Sathan. Et de Leuiathan, qui ne se contente pas des corps, ains attente aux ames: Il est dict: Feras tu traicté auec luy pour t'en seruir tousiours? C'est pour ceux qui pensent auoir les esprits familiers en leur puissance comme esclaues. Quant à ce qui est dict que Sathan cherche les Princes superbes and hommes hautains, celà s'est veu, and voit encores que les Princes qui ont laissé Dieu, se laissent captiuer miserablement à Sathan par le moyen des Sorciers: and s'en trouue beaucoup qu'il a pipez, sçachant bien que le peuple est tel que le Prince. Et si le Prince est Sorcier, les mignons and courtisans, puis tout le peuple y est attiré, and par consequent à toutes impietez. Suetone dict que Neron fut cinq ans bons Prince. Et de fait Trajan disoit qu'il ne trouuoit point son pareil és cinq premiers ans: mais depuis qu'il se fut addonné aux Sorceleries, dict le mesme Autheur, iamais il n'y eut Sorcier qui en fust plus diffamé, and sa vie aussi fut la plus detestable, and sa fin la plus miserable que de Prince de son aage. Car Pline faisant recit de plusieurs Sorceleries, and de la vertu qu'on leur donne il dict, Quæ omnia ætate nostra Princeps Nero vana falsáque comperiit: primùm imperare diis concupiuit. Nemo vnquam vlli artium validius fauit. Puis aptes il dict, Immensum and indubitatum exemplum est falsæ artis quam dereliquit Nero, and peu apres: Nam homines immolare etiam Page 318
gratissimum illi fuit.
