touché, le pere se trouua guary: Mais le Sorcier demanda ou estoit le fils, and ne le trouuant point, il cõmença à s'escrier, Ie suis mort, où est l'enfant? Ne l'ayãt point trouué, il s'en va: mais il n'eust pas mis les pieds hors la porte, que le Diable le tua soudain. Il deuint aussi noir que si on l'eust noircy de propos deliberé. I'ay sçeu aussi qu'au iugeme (02) t d'vne Sorciere, qui estoit accusee d'auoir ensorcelé sa voisine en la ville de Nantes, les Iuges luy commanderent de toucher celle qui estoit ensorcelee, chose qui est ordinaire aux Iuges d'Allemagne, and mesmes en la Chambre Imperiale, cela se faict souuent: elle n'en vouloit rien faire, on la cõtraignit: elle s'escria, Ie suis morte. Elle n'eust pas touché la femme qu'elle auoit ensorcelee que soudain elle ne guarist, and la Sorciere tomba roide morte. Elle fut condamnee d'estre bruslee morte. Ie tiens l'histoire de l'vn des Iuges qui assista au iugement. I'ay encores appris à Thoulouze qu'vn Escolier du Parlement de Bourdeaux, voyãt son amy trauaillé d'vne fieure quarte à l'extremité, luy dist, qu'il donnast sa fieure à l'vn de ses ennemis: il sit response qu'il n'auoit point d'ennemise Donnez-la donc, dit-il, à vostre seruiteur: Le malade en fist conscien ce: en sin le Sorcier luy dist, Donnez la moy: le malade respondit: Ie le veux bien. La fieure prend le Sorcier, qui en mourut, and le malede r'eschappa. Or ce n'est pas chose nouuelle, car nous lisons en Gregoire de Tours, liure VI. chap. XXXV. que la femme du Roy Childebert fut aduertie que son petit fils estoit mort par malefice, and de rage feminine, elle fist prendre grand nõbre de Sorcieres, qui furent bruslees Page 339
and mises sur la rouë.
