venir la tempeste and famine. C'est pourquoy Ouide disoit, Carmine læsa Ceres sterilem vanescit in herbam. Flicibus glandes, cantatáque vitibus vua Decidit, and nullo poma mouente fluunt. On me dira si ceux qui iouent à la prime and aux flux, sçauoient le secret des cartes, ils seroyent riches: Ie respons que tous ceux qui ont escrit and faict le procez aux Sorciers, tiennent pour maxime indubitable, que toutes les souplesses and tours de passe à passe, que le Diable leur apprend, ne sçauroient les enrichir d'vn Escu: and se trouue souuent par la confession des Sorciers, qu'au lieu que Sathan leur ayant remply la main d'or ou d'argent, qu'ils mettoient en leur bourse, ils y trouuoient du foin, and s'ils gaignent vn Escu d'vn costé, ils en perdront dix d'autre costé. Vray est que les Sorciers feront rire, and non pas tous, and donneront estonnement à ceux qui les voyent, comme fist vn iour le Sorcier Des-eschelles, qui dict à vn Curé deuant ses parroissiens: Voyez cest hypocrite qui faict semblant de porter vn breuiaire, and porte vn ieu de cartes. Le Curé voulant monstrer que c'estoit vn breuiaire, trouua que c'estoit vn ieu de cartes ce luy sembloit: and tous ceux qui estoient presens le pensoient aussi, tellement que le Curé ietta son breuiaire, and s'en alla tout confuz en soy mesme. Tost apres il suruint, quelques autres qui amasserent le breuiaire, qui n'auoit ny forme ny semblance de cartes: en quoy on apperceut que plusieurs actions de Sathan se font par illusions, and neantmoins qu'il Page 358
