Il y a bien plus, les Sorciers ne peuuent aucunement nuire à ceux qui les persecutent.1 Et quant à ce point, Spranger and Nider qui en ont faict brusler vne infinité, demeurent d'accord que les Sorcieres ne peuuent nuire aucunement aux officiers de Iustice, fussent ils les plus meschans du monde. Et sur ce interrogees, elles deposoient, qu'elles auoient faict tout ce qu'elles pouuoient, pour faire mourir les Iuges: mais qu'il leur estoit impossible. Et de faict i'ay les interrogatoires de leanne Heruillier, ayant assisté au iugement rendu contre elle: Au sixiesine article elle confessa que depuis qu'elle estoit és mains de Iustice, le Diable n'auoit plus de puissance sur elle, ny pour la tirer de prison, ny pour luy sauuer la vie. Toutesfois Spranger and Danneau escriuent que le Diable ne laisse pas de parler and communiquer auec les Sorcieres, and leur donner conseil de ne rien dire: and qui plus est il leur oste les fers des pieds and des mains, ce que i'auois leu en Philostrate d'Apollonius Thianeus, qu'on estimoit le plus grand Sorcier de son aage, qu'il osta ses fers estant à Rome en prison au veu des prisonniers: Et pour ceste cause Domitian l'Empereur le fit razer comme il se faict encores en Allemaigne, and le fist depouiller tout nud quand il commanda qu'on l'amenast en Iugement: mais ie ne pouuois entendre que le Diable peust deferrer vn Sorcier, and ne peust le tirer de prison, si maistre Iean Martin, Lieutenant de la Preuoste de Laon ne m'eust asseuré, que faisant lo procez à la Sorciere de Saincte Preuue, qu'il fist brusler toute viue, il luy demanda pourquoy elle n'eschappoit: elle -notes- 1August.li. 10. de Crut. Dei. T'nom.is in seeunda secunde. q. 95. art. 5. and in tis. de muracu. Page 363
fist response qu'elle osteroit
