bien les fers, mais qu'elle ne pouuoit sortir des mains de iustice. Et de faict destournant la veuë de l'autre costé, elle osta les fers de ses bras: ce qui estoit impossible par puissance humaine. I'ay veu vn autre proces contre Ianne machant de Thierarche qui confessa qu'elle estoit souuent deliee en prison, and n'y auoit personne qui la deliast, dequoy les iuges and Geoliers s'estõnoient. Elle auoit esté quinze ans Sorciere lors qu'elle fut prise and menee aux Sabats and danses auec quatre autres Sorcieres y denommees. C'est pourquoy Danaeu en son petit Dialogue escrit, qu'il ne faut pas laisser la Sorciere seule en prison, à fin qu'elle ne communique auec le Diable, ou que Sathan ne luy donne le charme de silence, c'est de ne rien confesser: duquel charme plusieurs Sorciers accusés d'homicide, and autres crimes, se sont seruis. I'en ay leu vn execrable imprimé par priuilege, and que ie ne mettray point icy, à fin que personne ne puisse prendre la moindre occasion de faire son mal profit du suiet que ie traicte. Encores est il plus estrange, que les Sorciers ne sçauroient ietter vne seule larme des yeux, quelques douleur qu'on leur face: and tous les Iuges d'Allemaigne tiennent ceste marque pour vne presomption tres-violente que la femme est Sorciere. Car on sçait combien les femmes ont les pleurs à commandement: and neantmoins on a apperceu que les Sorcieres, ne pleurent iamais, quoy qu'elles s'efforcent de se mouiller les yeux de crachats. Encores y a-il chose estrange que Spranger inquisiteur a remarqué, c'est à sçauoir que la Sorciere, Page 364
