LA DEFINITION DV SORCIER. CHAPITRE PREMIER. SORCIER est celuy qui par moyens Diaboliques sciemment s'efforce de paruenir à quelque chose. I'ay posé ceste definition qui est necessaire non seulement pour entendre ce traicté, ains aussi pour les iugemens que il faut rendre contre les Sorciers, ce qui a esté obmis iusques icy, de tous ceux qui ont escrit des Sorciers, and neantmoins c'est lefondement sur lequel il faut bastir ce traicté. Deduisons donc par le menu nostre definition, Premierement i'ay mis le mot, Sciemment: puis qu'il est ainsi que l'erreur ne peut emporter aucun consentement, comme dit la loy1: tellement que le malade qui vse de bonne foy d'vne recepte Diabolique à luy baillee par le Sorcier, qu'il pensoit estre homme de bien, n'est point Sorcier, car il a iuste cause d'ignorance: Mais non pas si le Sorcier luy declare, ou s'il inuoque les malings Esprits en sa presence, comme il se faict quelquesfois: Ce que i'ay mis seulement pour exemple, and qui sera plus amplement declaré cy apres en son lieu. Mais il faut sçauoir quels sont
