est aduenu depuis vn an à Haguenone pres ceste ville de Laon, que deux Sorcieres qui auoient merité iustement la mort, furent condamnees, l'vne au foüet, l'autre à y assister: mais le peuple les print, and les lapida and chassa les officiers. Vne autre Sorciere fort diffamee de meurãt à Verigny, qui est morte au mois d'Auril dernier, qui receuoit les enfans, apres auoir esté accusee de plusieurs Sorcelleries fut absoulte: mais elle c'est si bien vengee, qu'elle a faict mourir des hommes and du bestail sans nombre, comme i'ay sçeu des habitans. Et me suis esmerueillé pourquoy plusieurs Princes ont institué des inquisitions, and decerné Commissaires extraordinaires, pour faire le procez aux larrons, aux financiers, aux vsuriers, aux guetteurs de chemins: and ont laissé les plus detestables and horribles meschancetez des Sorciers impunies. Vray est, que de route ancienneté, il c'est trouué des Princes Sorciers, ou qui se sont voulu seruir des Sorciers, par lesquels neãtmoins ils sont tousiours precipitez du haut lieu d'honneur au grouffre de toute misere and calamité. Car ils s'enquierent aux Sorciers s'ils auront victoire, Dieu les rend vaincus: s'ils demandent à Sathan qui sera leur successeur, Dieu faict leurs ennemis leurs successeurs: ils demandent aux Sorciers, s'ils gueriront de leurs maladies, Dieu les fait mourir, comme nous auons monstré par infinies histoires. En ceste sorre Dieu chastie les Princes Sorciers que les magistrats ne peuuent chastier. Quelquesfois aussi Dieu faict rebeller les subiets contre les Princes Sorciers, and ordinairement il les chastie par les Sorciers mesmes, d'autant que Sathan Page 421
and les Sorciers ioüent
