leurs mysteres la nuict, and que les marques des Sorciers sont cachees and couuertes, and que la veuë au doigt and à l' il ne s'en peut aysément faire l'inquisition, and la preuue en est difficile: qui est la chose qui plus empesche les Iuges de donner iugement ou tenir pour conuaincus les personnes d'vn crime si detestable, and qui tire apres soy toutes les meschancetez qu'on peut imaginer, comme nous auons monstré cy dessus. Il faut doncques en tel cas ou les crimes si execrables se font si couuertement, qu'on ne les peut descouurir par gens de bien, les auerer par les complices and coulpables de mesme faict, ainsi que on faict aux volleurs, and n'en faut qu'vn pour en accuser vne infinité. Cela fut verifié soubs le Roy Charles neufiesme lors que Des-eschelles se voyant conuaincu de plusieurs actes impossibles à la puissance humaine, and ne pouuant donner raison apparente de ce qu'il faisoit, confessa que tout celà ce faisoit à l'ayde de Sathan: and supplia le Roy luy pardonner, and qu'il en defereroit vne infinité. Le Roy luy dõna grace à la charge de reueler ses compaignons and complices. Ce qu'il fist: Et en nomma grand nombre par nom and surnom qu'il cognoissoit, and quant aux autres qu'il auoit veu aux Sabbaths, and qu'il ne cognoissoit que de veuë pour les recognoistre il se faisoit mener aux assemblees publiques and faisoit regarder l'espaule, ou autre partie du corps humain de ceux qui en estoyent, ou l'on trouuoit la marque, and cognoissoit aussi entre deux yeux ceux qui n'estoyent point marquez, desquels le Diable s'asseuroit, and luy estoyent plus Page 422
