Page:De la Démonomanie des Sorciers (1587).djvu/410

La bibliothèque libre.
Cette page n’a pas encore été corrigée

voye, and peut estre la plus seure. Mais d'autant que les vns craignent, and les autres ne veulent pas s'ingerer d'en faire eux mesmes la recherche, il est bien besoing que les Procureurs du Roy, and substituts se facent parties: qui est le second moyen: Car c'est propreme (02) t leur charge de vacquer sur tout and songner à la poursuitte des forfaicts. Et d'autant que les Procureurs du Roy sont bien souuent plus negligens en leur charge que les Iuges, il est expedient que chacun soit receu accusateur en ce crime, le Procureur du Roy ioint: and s'il ne se veut ioindre, qu'il soit permis neantmoins aux particuliers d'accuser pour la vindicte publique de ce crime, and sans s'arrester, s'il y va de l'interest particulier, ou non, comme il est requis en ce Royaume en touts autres crimes, pourueu qu'en ce cas on y garde les solemnitez requises de droict commun portees en la Loy, qui accusare, de publicis iudicüs. ff. qui est la troisiesme forme de proceder qu'on pourra tenir. La quatriesme se fera par delations sans que les Procureurs du Roy soyent contraints de nommer les delateurs, si la calomnie n'est bien euidente: and que l'accusé soit absouls à pur, and à plein, suyuant l'Edict de Moulins, and non pas si le prisonnier est eslargy quousque, ou qu'il soit dict qu'il en sera plus amplement enquis. Comme il se doibt faire s'il y a indices, ou presomption. Et d'autant que ceste peste de Sorciers est plus ordinaire aux villages and aux faux bourgs des villes, que dedans les villes, and que les pauures simples gens craignent les Sorciers plus que Dieu, ny tous les Magistrats, and n'osent se porter pour accusateurs, Page 425