ny pour delateurs, il est necessaire de mettre en vsage en la recherche de ce crime si detestable la coustume loüable de Escosse, practiquee à Milan, qu'on appelle Indict, c'est asçauoir qu'il y ayt vn tronc en l'Eglise, où il sera loysible à vn chascun de mettre dedans vn billet de papier, le nom du Sorcier, le cas par luy commis, le lieu, le temps, les tesmoings: Et que le tronc en presence du Iuge, and du Procureur du Roy, ou Fiscal, qui auront chacun vne clef du tronc, fermant à deux serrures, sera ouuert tous les quinze iours, pour informer secrettement contre ceux qui seront nommez: qui est la cinquiesme and la plus seure forme de proceder. Et en quelque sorte que ce soit ne publier iamais le nom des accusateurs and delateurs, ny des tesmoings si faire se peut, comme il est dict au chap. statuta. de Hæret. lib. 6. pour les inconueniens qui en aduiennent quand les preuenuz eschappent. La sixiesme se doibt faire par monitoires, qui est vne voye bien necessaire pour contraindre ceux qui n'osent, ou qui ne veulent accuser, ny deferer, ny se plaindre. La septiesme sera de receuoir les complices accusateurs de mesmes crimes contre les autres, and promettre impunité à l'accusateur, and luy tenir promesse, pourueu qu'il se repente and renonce à Sathan. C'est l'opinion de Iehan2 Durand des plus grands Iurisconsultes de son aage, au tiltre de accusat. qui est d'aduis que ce priuilege doibt estre donné au complice des Sorciers. Iaçoit que de droict commun les confors ne sont pas receuables accusateurs: encores que la Loy Tullia, de ambitu, donnast mesmes prerogatiues -notes- 2In specul. Page 426
