aux competiteurs de conuaincre l'vn l'autre au crime de corruption, pour paruenir aux Estats: and pour loyer le vainqueur auoit impunité, and emportoit l'Estat de son competiteur. Et encores que le Sorcier soit preuenu au parauant que d'accuser, si est-ce qu'il faut tousiours promettre impunité, and diminuer la peine de ceux qui confesseront sans torture, and qui accuseront leurs cõsorts, qui est vn moyen bien seur pour paruenir à la cognoissance des autres. Car il est bien certain qu'il ny a que la crainte de la mort, qui empesche de confesler la verité, and au suiect qui se presente il fut cogneu quand le Roy Charles neufiesme eust donné la grace à Des-eschelles condamné à la mort, comme Sorcier à la charge qu'il accuseroit ses complices. Il en descouurit vne insinité, comme i'ay dict cy dessus. Et cy par ce moyen on n'y peut paruenir, il faut prendre les ieunes filles des Sorciers. Car le plus souuent il c'est trouué, qu'elles estoient instruites par leurs meres, and menees aux assemblees: and en l'aage tendre elles seront aysees à persuader and redresser auec promesses d'impunité, que l'aage, and l'induction des meres doibt impetrer. Alors elles nommerent les personnes, le remps, le lieu d'aller aux assemblees, and ce qu'on y faict. Par ce moyen Bonin Bailly de Chasteau-Roux sçeut tout ce qui se faisoit par vne ieune fille, que la mere auoit seduicte. Et celles de Longny en Potez, dont nous auons faict mention cy dessus, furent descounertes par vne ieune fille: and si elles craignent dire la verité deuant plusieurs personnes, il faut que le Iuge face cacher deux ou trois Page 427
personnes derriere vne tapisserie, and ouyr les depositions sans escrire:
