Faut il donc faire mal, afin qu'il en aduienne bien? Sainct Paul faict cest argument en l'epistre aux Romains sur ce mesme discours: puis il respond que ceux la sont damnables qui parlent ainsi, and conclud son discours par vne exclamation de la Sagesse de Dieu emerueillable. O altitudo5 diuitiarum sapientiæ, and scientiæ Dei! quàm incomprehensibilia sunt iudicia eius! Or ces iugemens emerueillables se presentent chacun iour, chacune heure, à qui voudray prendre garde tant soit peu: and entre vn million ie mettray celuy qui est aduenu n'a pas long temps à Paris, d'vn gentilhomme conueincu par faux tesmoins non reprochez d'auoir tué celuy, qu'il n'auoit iamais veu, cevoyant condamné par arrest de la Cour, and sur le poinct d'estre executé, il confessa qu'il auoit empoizonné son pere. Le cas est notoire à plusieurs. Ie pourrois mettre vne infinité d'exemples, qu'vn chacun peut sçauoir: mais il suffira d'auoir touché sommairement, qu'il ne faut pas imputer à Dieu qu'il soit iniuste quand bien il auroit crée Sathan pour destruire, ou souffert que les Anges ayent trebuché, non plus que de blasmer les egouts, and cloaques, and autres receptacles d'ordure, qui sont necessaires au plus beau palais du monde. Et celuy qui calomnie Dieu en cherchant le mal en luy, and le faisant effectuellenent operateur du mal, portera vne malediction beaucoup plus execrable, que celle, qui fut donnee à Chanaan, duquel le pere Cham s'estoit mocqué des parties honteuses de Noé, dont il estoit yssu, que ses freres couurirent, en detournant la face. C'est pourquoy en l'Escriture saincte apres la creation -notes- 5a l Soma. 11. Page 61
