phe, and alors i'estendray mes grandes misericordes sur vous, and vous combleray de mes faueurs and benedictions. Le troisiesme fruit qu'on reçoit de la punition des meschans, est pour donner frayeur and terreur aux autres, comme il est dit en la Loy de Dieu4, que les autres ayant veu la punition, craignent d'offencer. Le quatriesme fruict est de conseruer les bons à fin qu'ils ne soient infectez and gastez par les meschans, cõme les pestiferez and ladres infectent 5 les sains. Le cinquiesme fruict est pour diminuer le nombre des meschans, qui est la seule raison pourquoy la coustume de Bretaigne ancienne veut, qu'on pende les larrons, par ce qu'il y en auroit trop. Voyla les mots de la coustume inepte, attendu que toutes les forests du pays n'y suffiroient pas, and que la mort est trop grieue pour punir les larrons, and ne suffit pas pour empescher les larrecins: neantmoins la coustume est fondee sur ce seul point. Le sixiesme est, à fin que les bons puissent viure en seureté. Le septiesme fruict est pour punir la meschanceté.6 I'ay bien voulu toucher les biens and vtilitez qui reüssissent de la punition des meschans. Or s'il y eut oncques moyen d'appaiser l'ire de Dieu, d'obtenir sa benediction, d'estonner les vns par la punition des autres, de conseruer les vns de l'infection des autres, de diminuer le nombre des meschans, d'asseurer la vie des bons, and de punir les meschancetez les plus detestables que l'esprit humain peut imaginer, c'est de chastier à toute rigueur les Sorciers: combien que le mot de Rigueur est mal pris, attendu que il n'y a peine si cruelle qui peust suffire à punir les meschancetez -notes- 4Deuter.ca. 15. and 19. 5Ieuis.ca.12. 13. 14. 6Deuter.19. fine. Page 483
