s'incline seulement pour faire hõneur aux images, que les Grecs appellent Idoles, soit mis à mort, car le mot Hebrieu Tistaueh, and le Caldean Tisgur, ne signifient autre chose que s'encliner, ce que tous les Interpretes tournent, and les Latins disent adorer. Or les Sorciers ne se contentent pas d'adorer, ou s'encliner seulement deuant Sathan, ains ils se donnent à Sathan, and le prient, and l'inuoquent.G1 Le quatriesme crime est encores plus grãd, c'est que plusieurs Sorciers ont esté cõuaincus, and ont confessé d'auoir voüé leurs enfans à Sathã, pour laquelle meschãceté3 Dieu proteste en sa loy qu'il embrasera sa vengeã ce contre ceux qui dedioyent leurs enfans à Moloch, que Ioseph intreprete Priapus, and Philon interprete Saturne: and en quelque sorte que ce soit, c'estoit à Sathan, and aux malins esprits.G2 Le cinquiesme passe encores plus outre, c'est que les Sorcieres sont ordinairement conuaincues par leur confession, d'auoir sacrifié au Diable leurs petis enfans, auparauant qu'ils soient baptisez, les esleuant en l'air, and puis leur mettant vne grosse espingle en la teste, qui les fait mourir: qui est vn autre crime plus estrange que le precedent. Et de fait Sprãger dit, qu'il en a fait brusler vne, qui en auoit ainsi faict mourir quaranto and vn, desquels elle auoit humé le sang, auec d'autres Sorcieres.G3 Le sixiesme crime passe encores plus outre: car les Sorcieres ne se cõtente (02) t pas de sacrifier au Diable leurs propres enfans, and les faire brusler par forme de sacrifice, comme faisoient les Amorrheans and Cananeans, pour monstrer cõbien ils sont affectionnees à Sathan: contre lesquels -notes- 2Exod.c.20. and ca.32. and Deuter. 13. et 27. Num.c.25. G1Le quatriesme crime. 3Leuit.21. Deuter.18. G2Le cinquiesme crime. G3Le sixiesme crime. Page 487
