qu'il auoit cõtre eux. Combien doncques est plus punissable le prestre Sorcier qui au lieu de consacrer, blaspheme execrablement. C'est pourquoy Platon9 le premier entre ses loix en a fait vne qui veut que le Prestre Sorcier sãs remission soit mis à mort, car l'enormité de la Sorcellerie est beaucoup plus atroce en celuy qui manie les choses sacrees. Car au lieu de les sanctifier il pollue, il souille, il blaspheme execrablement, comme le curé de Soissons, duquel parle Froissard qui baptisa vn crapaut, and luy bailla l'hostie consacree, il fut bruslé tout vif sans s'arrester aux canons1 qui ex communient seulement les prestres Sorciers. Il est vray qu'on peut dire que c'est la peine ecclesiastique, qui ne faict aucun preiudice aux peines des Magistrats lais. Or tout ainsi que par proportion de iustice harmonique, la peine est plus grande, and le crime aggraué pour la qualité des personnes, commele Medecin qui empoisonne le tuteur qui viole sa pupille, le iuge qui faict iniure, le notaire qui commet fauseté, l'orfeure qui faict de la fause monnoye, le vassal qui trahist son Seigneur, le Citoyen, qui vend sa patrie, le subiect qui tue son prince, le Prince qui manque de sa foy, sont beaucoup2 plus punissables, and generalement tous ceux qui faillent en leur office, aussi le prestre Sorcier est non seulement plus meschant que tous ceux-là, ains aussi plus, detestable que tous les autres Sorciers qui ne sont poinct prestres. Car cestuy3 cy est deserteur de son Dieu pour s'abandonner au diable, and proditeur des choses sacrees, qu'il deuoit sur tous garder -notes- 9li. 11. de leg. 1Can. si quis Cler. ex co (04) cil. Aure. and cã. aliquis ex iõs. Agaibensi, and can si quis Epij.ex conci. Toles. 26. q.5. 2l. qui decu, de fals.l. quedam. de p n. ff.Thom. 1.2. q.7.artic. vlt. Diuus, Bald. Sali. lac. Are. in l. nemo de sum. Trin.
