Thisby appelle mere des Diables. Et d'autant que ce Demon se voit és lieux deserts, comme est l'Afrique pour la pluspart, Dion en l'histoire d'Afrique la descrit comme vne beste sauuage, qui a le visage d'vne femme tres-belle, and pour attirer les passans, elle descouure son estomach, and ses tetins and d'vn regard modeste and gratieux, le surplus est vn Serpent plain d'escailles, and la teste de Serpens au lieu des pieds, and si tost qu'on approche, elle deuore l'homme euidemment: Ce qui se peut r'apporter à ce que dict Hieremie. Lamiæ nudarunt vbera, Threnorum ca. 4. C'est pourquoy tels esprits sont appellez deuorateurs, and lamies, [Greek omitted] ou de [Greek omitted] qui signifie ingluuies, comme dict Porphyrion. 2 Et pour mesme cause le poisson, qui deuore tout, and les hommes tous entiers est appellé lamia, comme dict Nicandre Colophonien3 and d'autant que les Sorciers hument euidemment le sang des personnes, Apulee appelle Sorcieres lamias, comme celle qui fist vne ouuerture en la gorge de Socrate compagnon d'Apulee couché aupres de luy, and endormy, and recueillit le sang en vn vaisseau, puis renferma la playe, and Socrates s'esueillant dict qu'il n'auoit rien senty, and n'en faisoit que rire: neantmoins le iour suiuant il mourut. A quoy se rapporte la sentence allegorique de Salomon, que l'Aigle repaist ses petits de sang, il entend par l'Aigle Sathan, qui nourrist ses subiets de telle viande. Aussi Porphyre dict que les Demons, and malings esprits ayment les sacrifices, pour se repaistre de la fumee du sang au liure [Greek omitted], qui meriteroient -notes- 2In illud Horarij, Neu prãsæ Lamiæ. 3Apud Eustatbium in Odys. lib.13. Page 538
