Dieu garde bien souuent par ses Anges, qui ne pourroient autrement eseapper mil and mil dangers de mort. Mais celuy à qui Dieu faict la grace speciale de congnoistre sensiblement la presence de son Ange, and communiquer intelligiblement auec luy, il se peult dire beaucoup plus heureux que les autres: and tres-heureux s'il a le don de Prophetie, qui est le plus hault poinct d'honneur où l'homme peult estre esleué. Aussi void-on qu'il y en a tousiours eu fort peu. Lors que Dieu menoit son peuple par le desert, il n'y en eut que 72. à qui il fist ceste grace, combien qu'il y eust six cens mil hommes au dessus de vingt ans. Et ne se trouua que Hieremie de son temps, auquel Dieu dist, qu'il fist à sçauoir à Barachie, qui demandoit à Dieu le don de Prophetie, qu'il demandoit trop grande chose. Toute l'Escriture saincte est pleine de telle communication de l'Ange auecles eleuz. Ie sçay bien que les Epicuriens, and Atheistes tiennent cela pour vne fable: aussi ie n'ay pas deliberé de les faire sages: Si est-ce que toutes sortes de Philosophes tiennent cela pour indubitable. Plutarque au liure qu'il a faict du Dæmon de Socrate, tient comme chose trescertaine, l'association des esprits auec les hommes, and dict que Socrate, qui estoit estimé le plus homme de bien de la Grece, disoit souuent à ses amys, qu'il sentoit assiduellement la presence d'vn esprit, qui le destournoit tousiours de mal faire, and de danger. Le discours de Plutarque est long, and chacun en croira ce qu'il voudra. Mais ie puis asseurer d'auoir entendu d'vn personnage, Page 72
qui est encores
