s'appelloit Francisque de Siene, qui faisoit parler vn chien deuant tout le monde. Toutes ses actions, and autres semblables estranges que Wier confesse, se font contre nature. Il faut donc baisser la teste deuant Dieu, and confesser la foiblesse de nostre esprit sans s'arrester aux principes, and raisons de nature, qui nous manquent quand on veut examiner les actions des esprits, and societé des demons auec les Sorciers, and faire separalogisme que telles actiõs ne sont pas veritables, par ce qu'elles sont contre nature. Et que tout ce qui est impossible par nature est impossible, qui est vn droit paralogisme and elenche sophistique: comme qui diroit d'vn meschant homme, il est bon escrimeur, il est donc bon. Car la consequence à coniunctis ad simplicia ne vaut rien. Or Wier voulant en quelque sorte, and à quelque prix que ce soit faire euader les Sorciers, dict9 qu'elles sont possedees, and forcez du diable. Chacun sçait la'difference qu'il y a entre les Sorciers, qui se sont vouees, consacrees, and dediees à Sathan, qui sont comme les paillardes abandonnees, and celle qui est assiegee de l'esprit malin, qui est comme la vierge pudique rauie par force. Aussi Sathan n'est pas si mal aduisé enuers ses loyaux suiects. Puis apres il dict que le transport d'icelles aux assemblees est impossible par nature, and en si peu de temps. I'ay respondu à ce poinct suffisamment: Et neantmoins Wier monstre bien qu'il est aufsi mauuais mathematicien, comme Physicien: Car on voit le huictiesme ciel auec tous les astres faire son tour en XXIIII. heures, lequel tour a plus de cent trente and trois millions de lieues à deux -notes- 9.c.16.de La. Page 587
