prenant huict degrez en chacun arc de l'exagone du cercle outre les six semydiametres, reuiennent à 28916690. lieues and plus: car ie laisse 28. minutes, qui font huict cens lieues, qui est pour tout le circuit du ciel huictiesme, deux cens quarante and cinq millions sept cens nonante and vn mille quatre cens quarante lieues, qui se font en vingt and quatre heures. Le neuf and dixiesme ciel sont bien encores plus grands: Car il est tresbien demonstré par Ptolomee en son Almageste, que toute la terre qui a vnze mil cens soixante lieues de tour n'est rien qu'vn poinct insensible, eu esgard seulement au cercle du Soleil, qui est beaucoup moindre que l'huictiesme: si doncques en vingt and quatre heures l'huictiefme ciel faict son tour en vne minute d'heure (dont les soixante font l'heure) l'huictiesme ciel faict vn million sept cens six mil cent cinquante and cinq lieues par le mouuement de l'Ange à qui Dieu a donné ceste puissance, que les Hebrieux appellent le Cherubin0 faisant la rouë du glayue flamboyant de lumieres celestes: est il donc impossible que Sathan à qui Dieu à donné tant de puissance sur la terre transporte vn homme à cent ou (05) deux cens lieues en vne heure? On voit donc euidemment que tel mouuement n'est pas impossible par nature. Ieanne Haruillier de laquelle i'ay parlé cy deuant, and qui fut brusiee vifue le dernier iour d'Auril 1578. confessa que le Diable l'auoit transportee fort loin la derniere fois, and qu'elle auoit esté long temps deuant que d'arriuer en l'assemblee, and puis estant rapportee, elle se trouuoit toute foulee and fort lasse, comme i'ay recueilly -notes- 0Leo Hebræus,lib.2. Page 589
