grauez au metal propre à chacune planette, à l'heure qu'celles sont en leur exaltation, ou maison auec vne coniunction amiable, and veut alors qu'on ayt aussi la plante, la pierre, and l'animal propre à chacune planette, and de tout celà qu'on face vn sacrifice à la Planette, and quelquesfois l'image de la Planette, and les hymnes d'Orphee le Sorcier, ausquelles le Prince de la Mirãde s'est trop arresté soubs ombre de Philosophie, quand il dict les hymnes d'Orphee n'auoir pas moins de puissance en la Magie, que les hymnes de Dauid en la Cabale, de laquelle nous parlerons en son lieu: and se vante d'auoir le premier decouuert le secret des hymnes d'Orphee, lequel estoit le maistre de la Sorciere Medce, and de tous les Orpheotelestes. Mais on void que ces hymnes sont faicts à l'honneur de Sathan, à quoy se rapporte ce que dict Picus, Frustra naturam adit, qui Pana non attraxerit. Or par ce mesme moyen le maistre Sorcier instruict ses disciples en toute idolatrie, impieté, and Sorcelerie. Iaçoit qu'il semble que les Academiques, que i'ay dict, en vsoient par ignorance, and par erreur, and y alloient à la bonne foy pensant bien faire: mais celuy que i'ay dit en a vsé par impieté detestable: car il a esté toute sa vie le plus grand Sorcier qui fut de son temps: and soudain apres samort Paul2 Ioue escrit, and plusieurs autres, qu'on apperçeut vn chien noir, qu'il appelloit Monsieur, sortant de sa chambre, qui s'en alla plonger au Rhosne, qui depuis ne fut veu. Or la loy de Dieu ayant sagement pourueu à telles impietez de ceux qui veulent lier la partie du monde inferieur à la partie superieure, pour marier le monde (cõme -notes- 2Libro Elegiorum. Page 93
