de Gedeon, and souuent les lieux, les temps, les personnes, and autres particularitez sont specifiees par les Prophetes, and neantmoins c'est vision. A quoy plusieurs Payens and infideles n'ayant pris garde, ont estimé que toutes les Propheties and paroles de Dieu ont esté reuelees en veillant, and cherchent occasion de blasmer la saincte Escriture: car il y a des choses en vision, qui sont impossibles en veillant. Aussi void-on en l'Escriture, que les Prophetes interrogez, ne respondent que le iour suyuant, s'ils n'ont eu la vision precedente, comme eut Aias le Prophete, qui respondit soudain à la Royne de Samarie femme de Ieroboam. Mais la Prophetesse Holda, dist aux Ambassadeurs du Roy Iosias, qu'ils attendissent la nuict, and Baleham dist aux Ambassadeurs de Balac, qu'ils demeurassent la nuict, où il y eut vision qui luy sembloit que son asne parla: qui n'est pas en veillant comme plusieurs pensent: mais la certitude des visions est telle, que l'Escriture introduict les personnes, comme si la chose se faisoit. Et mesme le Diable, qui veut contrefaire les uures de Dieu, faisoit ancienneme (02) t dormir les Prestresses d'Apollon en la cauerne, and ceux qui vouloyent sçauoir quelque chose de l'oracle de Mopsus s'endormoyent au temple, comme dict Plutarque5, qu'il y eut vn gouuerneur d'Asie, auec quelques autres Epicuriens mocqueurs de toutes religions, qui enuoyerent vn seruiteur au temple de Mopsus, auec vne lettre bien cachetee, ou il y auoit ceste question: A sçauoir si Mopsus vouloit que le gouuerneur luy sacrifiast vn veau blanc ou noir. Le garson estant de retour, apres auoir dormy -notes- 5De oraculorum desectu. Page 101
