Iudas Machabee recite qu'il auoit eu vision que Hieremie le Prophete luy bailloit vn glaiue, pour chasser du pays l'armee d'Antiochus le Noble, comme il aduint qu'auec vne poignee d'hõmes il gaigna trois grosses armees. Mais les songes heureux des Sorciers, ou des Atheistes, ou de ceux qui meinent vne vie detestable, sont enuoyez dez malins esprits, cõme nous dirons cy apres. Des moyens naturels pour scauoir les choses occultes. CHAP. V. Diuination naturelle est vne anticipation des choses à venir, ou passees, ou presentes, and neantmoins occultes par la congnoissance des causes enchesnees, and dependentes l'vne de l'autre, ainsi que Dieu les a ordonnees de la creation du monde. I'ay posé ceste definition, pour faire iugement certain quelle diuination est licite, and quelle diuination est illicite, ou Diabolique, suyuant les termes de la definition, que nous auons donnee du Sorcier. Or tous les Philosophes and Theologiens sont d'accord, que Dieu est la premiere cause eternelle, and que de luy dependent toutes choses. Car combien que Platon ait posé trois principes du monde, à sçauoir, Dieu, la matiere, and la forme, si est-ce qu'au Timee, and au Theetete, and en plusieurs 1 autres lieux, il met Dieu par dessus toutes les causes, and hors la suitte and ordre des causes, Aristote2 pareillement a demonstré, qu'il faut par necessité, qu'il y ait vn Dieu, premiere -notes- 1Epistola septima ad Dionem. 2Physico 6. and 8. [Greek omitted] Page 110
