Page:Dentiere - Epistre très utile faicte et composée par une femme chrestienne de Tornay, 1539.pdf/17

par lés ceremonies & ſacrifices leuitiques, quiLeu. 14
Nõ. 29. ont eſté baillez aux enfans d’Iſraël : mais puis que Ieſus eſt venu, ces vmbres & figures ſontmarc. 15. paßées, l’eſperit baillé, lés choſes charnelles paſſées, et la lettre morte, l’eſperit viuifié. Et ne fault poĩt à preſẽt qu’on ſerue à dieu en ſeruitude ceremonialle,Galat. 5.
Colo. 2. charnelle, ne viſible, mais en liberté d’eſperit. Car noſtre Dieu n’eſt point charnel ne viſible, mais eſperit : außi demande il eſtre adoré & ſerui en eſperit & verité. En quoyIehan 4. ſont grandement à reprendre tous ceux qui encore nous retournent en ſeruitude de ceremonies externes par leſquelles ont eſteinct & anichile la vraye lumiere euangelique, attribuant aux choſes externes ce que tant ſeulement appartient à noſtre ſauueur IESVS : lequel aprés qu’il a eſté mort pour noz pechez, &Rom. 4. reſuſcité pour noſtre iuſtification, eſt monté és cieulx viſiblement & manifeſtement : & ſemarc. 16,
Act. 1. ſied à la dextre de ſon pere, iuſque à ce qu’il vienne iuger lés vifz et lés mortz. Cecy nous a esté donné à entendre, que par le bapteſme exterieur & viſible lon aye vne vraye & viue foy, que lés pechez ſont pardonnez, & grace & iuſtice est donnée. Combien que cecy ne