A, lequel en meſme temps eſt pouſſé par deux forces, dont l’vne le pouſſe vers A O, & l’autre vers A D, ſi bien que la ligne de direction du premier mouuement eſt A O, & celle du ſecond eſt A D. S’il n’y auoit que la premiere force toute ſeule, le graue ſe trouueroit 5 touſiours ſur A O, & ſur A D s’il n’y auoit que la ſeconde. Mais puiſque ces deux forces s’empeſchent & ſe reſiſtent mutuellement, ſuppoſons (& il fault ſe ſouuenir que nous ſuppoſons auſſy tous ces mouuements vniformes, car autrement le mouuement 10 compoſé ne ſe feroit pas ſur des lignes droittes) que dans vne minute d’heure, | par exemple, la ſeconde force faict que le graue s’eſloigne de ſa direction A O, ſelon la longueur N B, qu’il faut decrire parallele a A D : car le graue qui eſt emporté ſur A D par la ſeconde force, 15 ſe trouuant empeſché par la premiere, le portera touſiours & s’auancera d’A vers D, par des paralleles à A D. Suppoſons auſſy, que dans la meſme minute d’heure, la premiere force faict : que le graue s’eſloigne de ſa direction A D, ſelon la longueur C B, parallele, 20 par la precedente raiſon, a la ligne A O. Il eſt tout certain que dans vne minute d’heure le graue ſe trouuera au point B, qui eſt le concours des deux lignes B N & B C. Le mouuement compoſé ſe fera donc ſur la ligne A B, & nous pourons dire que le graue 25 parcourra la ligne A B dans vne minute.
11. Suppoſons maintenant que l’angle D A O ſoit changé, & ſoit par exemple plus grand. En la figure ſuiuante, les meſmes choſes eſtant poſées, ie dis que dans vne minute d’heure, comme auparauant, le 30
