Page:Descartes - Œuvres, éd. Adam et Tannery, IV.djvu/314

La bibliothèque libre.
Cette page n’a pas encore été corrigée

joo Correspondance.

Vroetfchap y ont fait defenfe qu'on n'y publiait ny vendift aucun efcrit pro vel contra De/cartes 3 ; ce qui monftre que le mot contra n'auoit efté mis que par forme en cete defenfe, & non point pour eftre obferué par M r Voetius, qui eft Ecclefiarum Bclgicarum decus & 5 ornamentum, a ce qu'il dit.

Il y a enuiron 1 5 iours qu'vn François, qui tient des collèges a Leyde & cherche a eftre ProfefTeur, me dift qu'il auoit ouy dire que Schoock auoit efté mis pri- fonnier a Groningue, & eftoit en danger de perdre fa 10 profeffion; mais ie ne Tay pu croyre, pource que ie n'en voy aucun fuiet, & n'en ay rien appris d'ail- leurs. I'ay penfé que ce François l'auroit imaginé, pource qu'il euft bien voulu eftre mis en fa place. Toutefois il difoit l'auoir apris de Monfieur l'Empe- <5 reur, Profefleu b a Leyde.

On m'a efcrit de Paris qu'vn de mes meilleurs amis, nommé M r Chanuyt*, en deuoit partir le 1 $ e de ce mois de Septembre, pour aller en Suéde, en qualité de Refident pour le Roy, & qu'il pafTeroit par ce pais. 20 Si vous aprenez qu'il foit a la Haye, & qu'il y face quelque feiour, en forte que ie l'y puifte voir, & que vous me faciez la faueur de m'en auertir, ie feray bien ayfe de pouuoir prendre cete occallon pour vous aller dire, de bouche, que ie fuis de cœur & d'afFedion, ^

Monfieur, Voftre très humble & très obeiflant feruiteur,

DESCARTES.

D'Egmond, le 29 Sept. 1645.

a. Voir ci-avant p. 226, éclaircissement.

b. Sic dans le MS.

�� �