par ceo s’en puet plus esloignier
e de grant dolur delivrer.
Pur ceo començai a penser
d’alkune bone estoire faire
30 e de Latin en Romanz traire ;
mais ne me fust guaires de pris :
itant s’en sunt altre entremis.
Des lais pensai qu’oïz aveie.
Ne dutai pas, bien le saveie,
35 que pur remembrance les firent
des aventures qu’il oïrent
cil ki primes les comencierent
e ki avant les enveierent.
Plusurs en ai oïz conter,
40 nes vueil laissier ne obliër.
Rimé en ai e fait ditié,
soventes feiz en ai veillié.
En l’onur de vus, nobles reis,
ki tant estes pruz e curteis,
45 a qui tute joie s’encline,
e en qui quer tuz biens racine,
m’entremis des lais assembler
par rime faire e reconter.
En mun quer pensoe e diseie,
50 sire, ques vos presentereie.
Se vos les plaist a receveir,
mult me ferez grant joie aveir ;
a tuz jurs mais en serrai liee.
Ne me tenez a surquidiee,
55 se vos os faire icest present.
Ore oëz le comencement !
27 deliuerer — 29 de aukune — 30 Romaunz — 32 altres — 33
koi — 35 ke ; remambrance — 30 kil — 39 oi — 40 uoil laisser — 41 Rimez — 42 fiez — 43 le honur — 45 ki ; se encline — 46 ki quoer — 49 quoer — 51 Si — 53 jurz ; lie — 54 surquidie — 55 si