Le texte de cette page a été corrigé et est conforme au fac-similé.
34
GUIGEMAR
725 senz depescier. Quant il l’entent,
si li respunt par maltalent :
’Altresi a en cest païs
un chevalier de mult grant pris,
de femme prendre en itel guise
730 se defent par une chemise,
dunt li destre pans est pleiez ;
il ne puet estre desliez,
force u cultel n’i metreit.
Vus feïstes, ceo quit, cel pleit ! ’
735 Quant el l’oï, si suspira,
pur un petit ne se pasma.
Il la reçut entre ses braz.
De sun blialt trencha les laz ;
la ceinture voleit ovrir,
740 mes n’en poeit a chief venir.
Puis n’ot el païs chevalier,
que il n’i feïst essaier.
[Bl. 145b] Issi remest bien lungement
de ci qu’a un turneiement,
745 que Meriadus afia
cuntre celui qu’il guerreia.
Mult i ot semuns chevaliers ;
Guigemar fu tuz li primiers.
scal ec unna manne sagðe hon næma þæim er sua lœysi þetta bællti af mer — 726 P lors li — 727 P Ensement a cest pais (—1) — 728 S haut — 732 il] S e, P que ; H depeceiz — 733 H meteit — 734 H ieo quit ; SP le ploit — 736 H par — 737 H Il la receit, P Il le retint — 738 H tresche — 740 H mes poeit (— 1), S mes nen pooit, P mes il nen pot — 741 S pales, N i Brætlande — 742 n’i] H ne ; P ki ni venist por assaiier — 744 S de si qua ; P desqua un grant — 745 P i afia — 746 S qui guerroia — 747 — 8 H Cheualers manda e retient
