Altre cunseil vus estuet prendre,
[Bl. 160b] kar cest ne vueil jeo pas entendre.
En Salerne ai une parente,
riche femme est, mult a grant rente.
105 Plus de trente anz i a esté ;
l’art de phisike a tant usé
que mult est saive de mescines.
Tant cunuist herbes e racines,
se vus a li volez aler
110 e mes letres od vus porter
e mustrer li vostre aventure,
ele en prendra cunseil e cure,
Tels letuaires vus durra
e tels beivres vus baillera,
115 que tut vus recunforterunt
e bone vertu vus durrunt.
Quant en cest païs revendrez,
a mun pere me requerrez.
Il vus en tendra pur enfant,
120 si vus dira le cuvenant
qu’a nul hume ne me durra,
ja nule peine n’i metra,
s’al munt ne me peüst porter
entre ses braz senz reposer ;
125 si li otriëz bonement,
que il ne puet estre altrement.’
Li vaslez oï la novele
e le cunseil a la pucele ;
mult en fu liez, si l’en mercie.
130 Cungié demandë a s’amie.
104 H est fehlt — 107 S ert sages — 118 S mon pere me demanderoiz — 122 H cele — 123 S el ; S pooit — 125—126 fehlen in H, N en þu iatta honum giarnsamlega. með þui at ei ma með oðrvm hætti vera — 125 S otroie
101 Autre — 102 uoil — 104 mut ad — 105 ad — 106 ad — 107 mut ; saives — 108 cunust — 109 si — 110 lettres — 113 Teus lettuaires ; durat — 114 teus ; baillerat — 118 requerez — 119 tendrat — 120 dirat — 121 que a ; humme ; durrat — 122 mettrat — 123 si al — 124 sanz resposer — 126 S autrement — 127 uallez — 129 mut — 130 Cunge
