e il l’ocist par engresté.
115 Le col li runt a ses dous meins :
de ceo fist il que trop vileins.
Sur la dame le cors geta,
si que sun chainse ensanglenta
un poi desur le piz devant.
120 De la chambre s’en ist a tant.
La dame prent le cors petit.
Durement plure e si maldit
cels ki le laüstic traïrent
e les engins e les laz firent,
125 kar mult li unt toleit grant hait.
’Lasse’, fet ele, ’mal m’estait !
Ne purrai mes la nuit lever
n’aler a la fenestre ester,
u jeo sueil mun ami veeir.
130 Une chose sai jeo de veir,
il quidera que jeo me feigne.
De ceo m’estuet que cunseil preigne :
le laüstic li trametrai,
l’aventure li manderai ! ’
135 En une piece de samit,
a or brusdé e tut escrit,
a l’oiselet envolupé.
[Bl. 166b] Un suen vaslet a apelé.
Sun message li a chargié,
140 a sun ami l’a enveié.
Cil est al chevalier venuz.
De part sa dame dist saluz,
tut sun message li cunta,
le laüstic li presenta.
145 Quant tut li a dit e mustré
e il l’aveit bien esculté,
123 H tuz ceus — 124 H lacuns (+ 1) — 129 H suleie (+2) — 142 H li dist (+1) — 144 H e le
115 rumpt ; deus — 116 ke — 118 se ; ensanglanta — 122 maudit — 123 ceus — 125 mut — 128 ne aler — 129 ueer — 131 quidra — 133 trameterai — 137 ad — 138 sun uatlet ad — 139 ad — 140 lad — 145 ad — 146 escute
