Cette page a été validée par deux contributeurs.
ÉNIGME IOYEVSE POVR
les bons eſprits.
SONNET.
Eſque je ſuis leué, pour auoir bon courage,
Ie cours tout droit au lieu où ie voy vn bouchõ,
Si le piot y vault, dedans mon cabochon
I’en deualle chopine, auant autre bruuage,
Ayant le cœur fermé, ie penſe a mon meſnage,
Et viens donner la taſche a ceux de ma maiſon,
Ie n’y ſuis pas ſi toſt, qu’auſſi toſt mon garçon
Ne me die, allez maiſtre où pend la belle Image.
Ie cours diligemment, quand ie ſuis arriué,
Ayant pour trauailler mon appareil trouué,
N’eſpargnant bras, ny mains, reins ny cul, ie le boutte
Dedans vn large trou, tout plain d’obſcurité,
À force de pouſſer, par fois le jus degoutte,
Qui moüille les deux culz d’vn & d’autre coſté.
