Page:Esope trad Corrozet.djvu/47

La bibliothèque libre.
Le texte de cette page a été corrigé et est conforme au fac-similé.


Ne croire la louange des flateurs.

Flateurs sont tousjours bien venus
Vers ceulx qui ayment leur louange :
Mais, quand la fortune se change,
Ilz sont pour ennemys tenus.


DU REGNARD ET DU CORBEAU.

Fable XI.


Ung noir Corbeau dessus ung arbre estoit
Et en son bec ung fromaige portoit
Qu’il avoit pris ; ung Regnard, d’adventure,
Passoit par là qui cherchoit sa pasture,
Et, en voyant le Corbeau et sa proye,
La convoita, puis s’arreste en la voye,
Et, en louant fainctement le Corbeau,
Dict : « Mon amy, que ton plumaige est beau !