de confirmation à tous ceux que nous teuverions capables et dans la disposition de le pouvoir recevoir, les exhortant de s’y preparer.
Et adveneu l’heure de deux appres midi, nousd., evesque se serions dabondant transportés dans ladicte eglise où tout le peuple estoit assemblé et apprès l[e]ur avoir faict une petite ex[h]ortation aurions donné le sacrement de confirmation à tous ceux qui se sont presantés et que avons teuvé[s] capables et disposés de le pouvoir dignement recevoir. Et ce faict, nous nous serions retirés dans ladicte maison claustrale dans laquelle nous aurions peu de temps appres mandé prendre les consuls dudit lieu, auxquels leur aurions dict de nous faire scavoir si le divin service estoit bien et debuement[1] faict dans ladicte paroisse et s’ils avoient quelque plainte à nous faire soit contre de leur viquere ou prestre servant dans ladite paroisse de nous en donner la connoissance affin d’y prourvoir, lesquels nous ont dict qu’ils estoient fors satisfaits de leur viquere et son curé contre desquels ils n’avoient rien à dire.
- ↑ Comprendre dûment
