Et advenant le lendemain seziesme dudit mois de septembre nousd. evesque nous serions transportés dans ladite paroisse où tout le peuple estoit assemblé et appres y avoir celebré la Sainte messe aurions preché. Et faict scavoir que leq ledit jour à une heure appres midi nous donnerions le sacrement de confirmation.
Et adveneu l’heure d’une appres midi nous evesque nous serions transportés dans ladite eglise et appres avoir faict une exhortation au peuple qui/y estoit assemblé dans icelle et à ceux qui debvoint recevoir le sacrement de Confirmation aurions donné ledict sacrement de confirmation à tous ceux et celles qui se sont présantés et que avons truvés capables et en estat de le recevoir. Et ce faict nous serions retirés dans ladite maison claustralle ayant peu appres mandé prendre les consuls auxquels aurions dict s’ils estoint satisfaicts de leur viquere et curé si le service estoit bien et débuement faict dans ladite paroisse.
