des prebandés et viqueres, et ce dans un an*[1] ; et encore des deniers qui se teuveront provenir en ladite année[2] des sepulteures dans lad. eglise et que le couvert sera entreteneu afin qu'il n'y pluve ; ce qui estant faict nous defendons d'enterrer dans ladicte eglise aucunes personnes, si ce n'est qu'ils en ayent faict faire une tombe par nostre permission. Enjoignons de nouveau aux marguailliers de l'hospital, des confréries du St Sacrement ou St Rosaire et autres de rendre compte tous les ans pardevant le viquere, consuls et et [sic] autres qui de droict appellés ; enjoignons encore aux viqueres de remetre entre[3] nostre greffe tous les registres des baptesmes, mortuaires et mariages sous debue[4] descharge de n[ost]re greff[e].
Antoine E[vesque] de Vence
Publié la susd. santance par moy greffier soub[sig]né à messire Raphel Ollive chanoine prebandé en absance des autres prebandés et à Messire Estiene de Vaucroue et Pierre Jean Giraud viqueres de Gréollieres basses et hautes, lesquels n'ont rien dict et protestent de se prouvoir contre du Sr prieur de Verdelay
