clocher qui menace aussi ruine par moyen d’une chapelle quy a esté faicte au dessoubs par Me Varages notaire ayant afoibli grandement les murailles et par ainsin nous requierent tres humblement vouloir ordonner que nostre derniere sentence de visite sera exécutée et que tant la voute de la sacristie couvert. Et clocher de lad. paroisse sera reparé pour esviter qu’icelle ne viene en ruine et qu’il sera encore [mot barré] prouveu [sic pour pourvu] des autres ornemens pardessus ceux qu’avions ordonné par nostred. visite estre faictes attendeu que despuis icelle iceluy se font feustrees et se teuvent la plus part deschirés sans qu’on s’en puisse servir ; Et de plus nous requierent attendeu que lad. paroisse a demeuré despuis trois ans sans secondaire que le Sr sacristain prieur primitif soit condemnée au payement des gages quy auroit esté obligé de donner au secondaire pendent led. temps. et le tout employé avec reparations de lad. eglise, et en outre quy leur soit proveu[1] d’un predicateur pour precher la parole de Dieu en temps de Caresme puis que la dixme que ledit
- ↑ Sic pour pourveu
