ment de l’or ou de l’argent avec toutes ses operations. Mais gardez vous de vous tromper en lui baillant un ferment : car le ferment doit estre auparavant calciné & dissout avec le grand Mercure majeur, selon que nous vous avons dict cy devant, puis l’imbiber avec la moyenne substance cet estre à l’aspreté du feu, & depuis que verrez qu’il y resistera, donnez lui feu de bois par l’espace de huict jours, & alors vous regarderez s’il fluë comme cire sans fumer. C’est celuy duquel a parlé Arnault de Villeneufve en son Rozier, & n’est point blasmé comme sont certains gros ignorans & escervelez, quand il disent qu’en un seul vaisseau & un seul fourneau se peut faire & finir ce magistere, & que le Mercure vulgaire avec son ferment : à sçavoir l’or & l’argent, ou l’un & l’autre, se sublime soy mesme, & soy mesme se tire & vivifie. Et sur ce propos croient aucuns Philosophes, que le Soleil, la Lune & Mercure suffisent à faire la bonne paste. Mais ce bestial inepte n’entend point dire des Philosophes, comme nous vous avons dit plusieurs fois : Que celui qui est privé de cette
