siesme fois prenez des quatre parties les trois, & derechef distillez les trois autres parties, pour ce qui vous est resté vous le devez jetter, & derechef distiller pour la quatrième fois, & prendre des quatre parties, les deux, à la troisième fois, & des quatre parties, prenez en trois, & icelles trois distillez à part soy deux fois. Et ainsi vous aurez votre feu rectifié, d’avec lequel nous extrairons le vinaigre très-aigre de sa terre bien aymée. Prenez après la terre qui est demeurée en forme de gros miel ou poix fondue, sur laquelle vous mettrez tant de fleur qu’elle surnage de trois doigts, & le couvrez avec son antenos, les jointures bien bouchées avec cire gommée, & le mettez en putrefaction par trois jours naturels : mais prenez garde qu’incontinent que le vaisseau sera bien fermé, il faut demeurer & vaquer, à celle fin que le sel & vinaigre viennent à se dissoudre, puis ostés l’antenos & mettez le chappeau & recipient : mais prenez garde qu’en ostant l’antenos que ce vinaigre ne vous donne aux yeux avec son acateze, faictes distiller par cendre leger, &
