fonds du vaisseau, ce que vous mettrez avec celle qui vous est demeurée auparavant ; & par ce moyen vous aurez la deuxiesme maniere de faire huille pour inserer tous les metaux imparfaicts, ce que verrez en la composition des medecines. La troisième huille est celle qui se faict en la separation des elements, asçavoir des deux luminaires, lequel vous voudrez ; apres mettez en putrefaction par huict jours, puis distillez l’eau par le bain, & sur la matiere qui vous est demeurée en forme d’huille, ou d’un miel épais, & versez tant de son eau qu’elle surnage de deux doigts, la bouchant avec son antenos, & la mettant après en son alambicq, pour distiller par cendre legere, augmentant le feu à la fin, & par apres laissant refroidir le vaisseau : derechef versez y de la nouvelle eau, le bouchant avec l’antenos, distillant apres en cendre legere, & ainsi vous recommancerez tant de fois qu’avez extraict toute son ame, ou bien son tres precieux mercure. Le signe certain sera en mettant de cette terre sur une lame rougie ; si elle ne fume point, signe
