Mais demorès encore et je vous ferai grant bien. — Ciertes, Sire, dist Blondiaus, je ne demouroie en nule manière. » Quant li castelains vit qu’il ne le pooit retenir, si li octria le congier et li donna boine ronchi noeve. À tant se parti Rlondiaus dou castelain et ala tant par ses journées qu’il vint en Engletère et dist as amis le Roi et as barons, où il avoit le Roi trouvé et coment. Quant il orent entendu ces nouvièles si en furent moult liés. Car li rois estoit li plus larges chevaliers qui onques cauçast esporon. Et prisent consel entr’aus quil envoiroient en Osteriche au dus pour le roi raiiembre : et eslurent .ii. chevaliers qui là iroient, des plus vaillans et des plus sages. Et tant alèrent par lor journées qu’il vinrent à Osteriche au dus et le trouvèrent en .1. sien castiel et le saluèrent de par les barons d’Engleterre et li disent : « Sire, il vous mandent et prient que vous prendès de lor signor raenchon : et il vous en donront tant qu’il vous venra en gré. » Li dus lor respondi qu’il s’en conselleroit. Et quant il s’en fu conselliés si dist : Signeur se vous le volès ravoir, il le vous convient racaterde .ii. cens mil mars d’esterlins ; et si n’en reprendès plus ma parole, car ce seroit paine perdue. — Atant prisent li message congiet au dus et disent que ce reporteroient li as barons et puis si en eussent conselg. Adont revinrent en Engletère et disent as barons çou que li dus lor avoit dit. Et il disent que ja pour cou ne demouroit. Adonc fisent âprester lor raenchon et le fisent envoier au dus. Et li dus délivra le roi. Mais anchois li fist donner boine sureté que jamais il n’en seroit moliesté.
« Ensi avint que li rois Richars fu raiiens et fu recheus en Engleterre à grant houneur : mais sa terre en fut moult grevée et les églises del regne, car il lor convint mettre jusques as calices, et cantèrent lonc tans en calisces d’estain. »
Les ménestrels jouaient un rôle important dans la création des chevaliers. Avant la cérémonie du bain, « vont par devant
