Candale si proche de consanguinité pour la maison dont il est issu[1], j’y adjousteray pour ne luy desfaillir au besoing, humble supplication et priere que je fais à Vostre Saincteté, qu’elle recevra si luy plaist en si bonne part comme je le fais d’affection, de maniere que l’effect s’en puisse ensuivre au contentement de mon cousin ; n’ayant moings le soing de son affaire que si c’estoit la mienne propre. Qui fait que pour mettre fin à la presente je supplie encore iterativement Vostre Saincteté de se rendre favorable à l’endroict de mon cousin, pour lequel je ne craindray de faire entendre à Vostre Saincteté, que la qualité de la personne merite de recevoir gratification de Vostre Saincteté. A laquelle particulierement pour ce bienfaict je me sentiray redevable avec ce que d’ailleurs je suis grandement tenu pour le bien et faveur que j’en ay receu et espere recevoir. Sur ce, je prie Dieu,
Tressainct Pere, conserver longuement Vostre Saincteté en toute prosperité au regime et gouvernement de sa saincte Eglise.
Escript à Paris, le xxixe jour de juillet 1575.
le Roy de Navarre,
Orig. – Collection de M. le baron de Girardot, à Bourges.
À MONSR DE POIGNY[2],
Monsr de Poigny, L’occasion presente de vous escrire pour le faict de la depesche de mon cousin monsr de Candalle, evesque d’Ayre,
- ↑ Henri, roi de Navarre, père de Jeanne d’Albret, était fils de Catherine de Foix. Les maisons de Foix et de Navarre s’allièrent fréquemment.
- ↑ Jean d’Angennes, huitième fils de Jacques d’Angennes et d’Isabeau Cotereau, seigneur de Poigny et de Boisorcan, était en 1569 guidon de la compagnie du vicomte d’Auchy. Outre les titres que lui donne cette lettre en 1575, et la mission qui y est constatée, il fut encore envoyé en ambassade par le roi de Navarre en Savoie et en Allemagne, fut fait chevalier des ordres en 1585, et mourut en 1593. Henri III l’avait aussi employé en diverses négociations, en 1578.
